معظم اللي بيبتدوا بيزنس جديد
بيبتدوا من المكان الغلط ؟

يعني تلاقي الواحد  أول ما جات له فكرة
يدخل يشتري لوجو و يدور على اسم مشروع
 … يفتح صفحة فيسبوك ، يطبع كروت و

بس السؤال هو
هو بيبيع لمين ؟
مين أصلاً محتاج الخدمة أو المنتج ده ؟

 الموضوع مش مجرد إنك عندك فكرة عبقرية
أو منتج ممتاز ، الموضوع إنك تحل مشكلة حقيقية
لناس معينة ناس بتدور على حل ، وعندها استعداد تدفع وفعلاً في ألم بيخليها تتحرك وتاخد قرار

 طيب نبدأ منين ؟

خليني أقولك على 3 أسئلة لازم تجاوب عليهم الأول 

 أولاً : مين هو العميل المثالي بتاعي ؟

يعني ببساطة الشخص اللي لو شاف العرض بتاعك
هيقول لنفسه ده معمول عشاني

فكر كده ، سنه كام ، شغال إيه ، عايش فين ؟

مشكلته إيه ؟
جرب إيه قبل كده ومظبطش معاه ؟

ثانياً هو محتاج إيه بجد ؟

ناس كتير بتتوه في تطوير
منتجات وخدمات هما شايفينها حلوة
بس العميل مش شايف فيها قيمة تخليه يدفع !

السؤال هنا مش أنا عايز أبيع إيه ؟
السؤال الصح لازم يكون العميل عايز يحل إيه ؟

اسأل نفسك
هو نفسه في إيه ؟ وكمان خايف من إيه ؟

ولو أنت ساعدته ، حياته هتتحسن في إيه ؟

ثالثاً : إزاي أوصل له ، العميل ده ؟

بعد ما عرفت مين هو وعايز إيه
لازم تعرف العميل المثال بتاعك ده بيروح فين ؟
بيقضي وقته إزاي ؟ بيتابع مين ؟

طيب لو أنا مش عارف أجاوب على الأسئلة دي ؟

جميل جداً
ده معناه إنك لسه في مرحلة البحث

والمرحلة دي مهمة أكتر من أي حاجة

اتكلم مع 10 أشخاص على الأقل شبه العميل اللي في بالك

اسألهم أكتر حاجة تعباك في الموضوع الفلاني إيه ؟

اسمعهم من غير ما تعرض عليهم منتج

خد نوتس بالكلمات اللي بيستخدموها

لانك هتستعملها في المحتوى بتاعك بعد كده 

لما تكون فاهم عميلك

هتقدر تعمل له منتج يفيده

هتقدر تسوق له بأسلوب يفهمه ويحس أن الكلام ليه

 هتقدر تسعر بشكل هو شايف إنه متطقي

في النهاية دي مجرد خطوة
بس هي أكتر خطوة الناس بتستعجلها أو يتجاهلوها
ويصحوا بعدها بسنة أو اتنين يكتشفوا إنهم بيخدموا
ناس غلطأو بيبيعوا حاجة مش مطلوبة
أو بينافسوا في سوق أصلاً مش بتاعهم 

فأنت لو خدت الوقت إنك تفهم عميلك
هتختصر سنين من التجربة والخطأ
وهتكون من نسبة قليلة من الناس فاهمة سوقها كويس

إستنى معلومات تانية أقوى 

_______________________________
مهما كنت واقف فين تقدر ترجع 
تكمل في الطريق الصحيح مع كورساتي
المدفوعة وكمان المجانية من خلال موقعي
wWw.MahmoudBadawy.com
بتمنالك كل التوفيق والنجاح بالعالم ، بدوي  •